Thursday, May 26, 2011

Омилени личности

Анџелина Џоли (родена на 4 јуни 1975 во Лос Анџелес) е американска филмска глумица, поранешна манекенка и амбасадор на добрата волја на УНИЦЕФ. Таа е добитничка на три награди „Златен глобус“ и еден „Оскар“ и повеќе пати е прогласувана за најубава жена на светот.
На 14 годишна возраст започнала да работи како манекенка за Finesse Model Management. Во тоа време исто така се појавува и во неколку музички спотови. По успешната кариера на модел, решава повеќе да се посвети на филмската кариера, а првата мала, епизодна улога ја добива во 1993 година во „Cyborg II“, и веќе по две години игра мала улога на хакерка во филмот „Хакери“ . Во овој период станува многу актуелна во американската јавност и пошироко, со бурниот љубовен живот, првите тетоважи по телото по кои стана и препознатлива. Успехот на планот на глумата следи по улогата во телевизискиот филм за животот на Џорџ Валас, поради што беше номинирана за наградата „Еми“ . По оваа почнува да се појавува во бројните ток-шоу програми на американските телевизиски станици, а се повеќе е присутна на насловните страници на најтиражните списанија. Во 1997 година режисерот Мајкл Кристофер ја ангажирал за главната улога во филмот „Џиа“, биографски филм за една маникенка која трагично го уништува својот живот со дрогата. Во 1998 година таа се приклучува на изворедната актерска екипа која ја сочинуваат Шон Конери, Џина Ровландс, Ентони Едвардс, Џилијан Андерсон, Рајан Филип и Медлин Стоув во „Игра на срцето„ . За улогата во филмот „Девојка, прекината“ таа добива „Оскар“ за најдобра споредна женска улога. Во 2001 година го постигнува својот најголем успех со улогата во филмот „Лара Кроф:Том Рајдер“, филм базиран на позната видеоигра. Во филмот во улога на таткото на Лара Кроф се појавува и нејзиниот вистински татко Џон Војт. Во периодот од 2003 до 2004 година ги снима филмовите „Лара Кроф Том Рајдер:Колевка на животот“ , „Преку граница“ , „Одземање животи„ , „Небесниот капетан и светот на утрешницата“ , „Александар“ .

No comments:

Post a Comment